Το της φιλοσοφιας εργον ενιοι φασιν αττο βαρβαρων αρξαι. Γεγενησθαι γαρ παρα μεν Περσαις Μαγους, παρα δε Βαβυλωνιοις η Ασσυριοις Χαλδαιους, και γυμνοσοφιστας παρ' Ινδοις, παρα τε Κελτοις και Γαλαταις τους καλουμενους Δρυιδας και Σεμνοθεους, καθα φησιν Αριστοτελης εν τω Μαγικω και Σωτιων εν τω εικοστω τριτω της Διαδοχης. Φοινικα τε γενεσθαι Ωχον, και Θρακα Ζαμολξιν, και Λιβυν Ατλαντα. Αιγυπτιοι μεν γαρ Νειλου γενεσθαι παιδα Ηφαιστον, ον αρξαι φιλοσοφιας, ης τους προεστωτας ιερεας ειναι και προφητας. Απο δε τουτου εις Αλεξανδρον τον Μακεδονα ετων ειναι μυριαδας τεσσαρας και οκτακισχιλια οκτακοσια εξηκοντα τρια· εν οις ηλιου μεν εκλειψεις γενεσθαι τριακοσιας εβδομηκοντα τρεις, σεληνης δε οκτακοσιας τριακοντα δυο.


La traduzione è visibile ai soli utenti Registrati