Φωκεις προς Βοιωτους εκ τινων εγκληματων εις πολεμον κατασταντες επεισαν τους Λακεδαιμονιους συμμαχειν κατα των Βοιωτων. Και το μεν πρωτον αυτοις απεστειλαν Λυσανδρον μετα στρατιωτων ολιγων, ος εισελθων εις την Φωκιδα συνηγαγε δυναμιν μετα δε ταυτα και Παυσανιας ο βασιλευς εξεπεμφθη μετα στρατιωτων εξακισχιλιων. Βοιωτοι δε πεισαντες Αθηναιους συνεπιλαβεσθαι του πολεμου, τοτε μεν καθ' αυτους ωρμησαν, και κατελαβον Αλιαρτον υπο Λυσανδρου και Φωκεων πολιορκουμενην. Γενομενης δε μαχης ο τε Λυσανδρος επεσε και των Λακεδαιμονιων και των συμμαχων πολλοι, των δε Βοιωτων η μεν ολη φαλαγξ ταχεως επεστρεψεν απο του διωγμου, των δε Θηβαιων ως διακοσιοι προχειροτερον εις τοπους τραχεις εαυτους δοντες ανηρεθησαν. Ο μεν ουν πολεμος ουτος εκληθη Βοιωτικος, Παυσανιας δε ο των Λακεδαιμονιων βασιλευς πυθομενος την ητταν ανοχας εποιησατο προς Βοιωτους και την δυναμιν απηγαγε προς Πελοποννησον.


La traduzione è visibile ai soli utenti Registrati